活動

被朋友說我最近寫的blog轉了很大的風格, 像在交鱔稿般, 沒有了我以往的特色? 是嗎? 或者我真係要想一想啦.....

為免再被說成為鱔稿, 所以就寫下我呢兩天做過d乜啦....:p

星期六做了三件我一直都想做的事情。第一, 終於行了今年的水禮, 和街坊一起去游早水, 其實我都唔係好識游, 希望街坊可以教吓我。浮了一個半鐘頭, 無錯係浮左一個半鐘, 其間學下點樣蛙腳, 我會繼續學習的。或者我真係要正正經經的請個教練教我游, 而大力說可以介紹他的游水教練給我識, 但他的是男教練喎...都係諗一諗先。 (PS: 就係浮左一個半鐘之後, 我背脊多了個泳衣印, 而家又紅又痛 *_*)

第二件 - 終於可以在但以理團到領詩啦。從"天國在人間"的音樂會中學了幾首詩歌後, 我就很想將這些詩歌分享給但以理團的弟兄姊妹, 而今天我終於可以帶啦! 唱了 "耶和華永遠至高"、"清心見祢面" 及 "天國在人間"。當我唱天國在人間的時候, 令我想起音樂會中的情境, 是那麼美及令人感動。亦令我想起了被塔利班所捉的南韓短宣團及那位牧師, 又不禁的淚流滿面....

第三件 - 同家姊一起看了哈利波特 - 鳳凰會密令, 哈利大左又瘦左, 而且無之前咁靚仔咯。套戲比起之前的幾集是遜色了, 而且我覺得佢拖得頗長, 最精彩的就是最後的二十多分鐘。不過若你是追開哈利波特的話, 我怎樣說你也會去看的。

星期日 - 八點半返到去上早堂, 我竟然都無打瞌睡! 之後和成年詩班的弟兄姊妹一起去飲早茶, 很久很久沒有跟他們有聚會啦。剛巧Elim的爸爸又路經香港, 所以捉埋他一起去喝早茶。他們不停的問我幾時會再返詩班, 或者八月啦, 又或者九月啦, 總之 "I'll be back!" ^.^

成半年沒有去做facial, 都係時候整整佢, 如果唔係爛左都唔知咩事。 之後就去了台長伉儷的府第及會所玩了一個下午, 我今日玩了三種球類活動: 牆球、保齡球、氣墊球。嘩, 勁呀! 而家隻手好鬼攰添!!!!

總結一句, 呢個weekend 的活動頻繁, 下個星期真的要好好休息下!