呢個禮拜五同六

重陽節在星期五, 雖然是公眾假期, 但太多工作在身, 迫於無奈下也要返工。一個人在寫字樓, 沒有電話的騷擾, 也沒有同事在身旁令你分心, 工作是可以好有效率的。在短短的幾小時內, 終於完成了資料交給同事星期一早上工作。之後再入黃竹坑查貨, d貨非常之好, 我可以放下心頭大石。原定是去掃墓, 但因我工作太多, 未能做到, 要等媽媽旅行回來後才再一起去了。夜晚相約了姊姊們去打邊爐, 沒錯又是打邊爐, 經過兩天的火鍋後, 我塊面開始爆瘡了!

星期六, 終於可以休息一下了。放肆的睡到十一點鐘才起身, 因為天氣開始轉冷, 給自己藉口不去游水啦 (你懶就懶啦....有之暖水池又唔去, 肥死你!) 亦因天氣開始轉涼, 是時候收起一些夏天衫, 找出秋冬衫來了, 跟住的節目當然是熨衫啦......

之後同家姊出左去食下午茶, 原來好多街坊都好似我咁食brunch, 在大快活先見到tk, 之後見到阿花、PP同花豬仔, 之後仲見到企企跟小明。真係約都無咁橋! 仲比我見到阿婆添 (不過我無叫佢, 因為佢未必認得我)。夜晚又再出去食飯, 行番來時, 見到sym同oneness, 之後仲見到一個拿住d餸好似窄太的女子背影。