第1道：橙汁鴨胸 - 唔好意思，呢道菜係食左一半先記得影！唔．．．個汁酸得嚟都幾好味！
第2道：蕃茄蝦沙律 - 係menu 到係有釀蟹蓋同埋Cesar Salad揀，但我地去到佢話已經賣晒釀蟹蓋，所以只有蕃茄蝦沙律或者Cesar Salad。食完之後都係無咩特別！
第3道：煎鵝肝 - 呢道菜係我熱切期待的，很久沒有食鵝肝了，師傅煎得幾香，外面是脆又不是太燶。入面的熱度剛剛好，入口即溶沒有根，非常之好。
第4道：蕃茄湯／龍蝦湯 - 我揀了蕃茄湯，味道無咩特別。而大傻揀了龍蝦湯，我試了一啖，覺得比較濃及咸，加上她們加了少許酒，所以我覺得味道有點怪！
第5道：西柚雪葩 - 係時侯食左咁多咁濃烈味道的食物之後，清清個味覺啦，所以來一客西柚雪葩。我很喜歡盛載的器皿，但那個奇硬的雪葩就．．．我等了很久才仲要用刀叉才可以食少少。我跟經理說雪葩太硬時，佢作了一個很長的解釋，我說我明白，而且我也食過兩次，但係那個雪葩真係太硬啦。教人怎樣食呀！
第6道：主菜 - 有三款任君選擇，我揀了至愛的羊肋骨，而大傻選了法國大餐多舊魚（石班）！
第7 & 8道：甜品 - 也有三款選擇（好像是冧酒朱古力蛋糕、唔知咩士多啤梨乜乜），我這個不嗜甜的人選擇了焞蛋及檸茶！因為大傻生日，所以她的甜品擺設是經過廚師的精心設計，而大傻也對此甜品非常之滿意。
總括而言，我跟大傻也滿意，只是那些服務員要檢討下他們的服務態度（如對客人的笑容、收碟的時候時常發出 "ping ping pong pong"聲、麵包的新鮮到（ｄ麵包硬到擲得死人）。
這個Siganture Set Menu原價HK$298，而家做緊promotion, 承惠HK$248（+10%服務費）！
沒有留言:
張貼留言