不用練習的星期二．．．

無所事事，看看自己寫過的文章，發覺原來這一年來，自己寫野的方法好像改變了很多。朋友之前都有話我有幾篇野好似寫膳稿般，亦有說我無左自己的風格。現在我終於明啦。

*****

尋日原本要返Blessings，但因為有幾個隊員去左旅行，而咁啱係隊長的生日，所以就取消左一次的練習。難得我星期二不用返教會，就send sms找個朋友吃飯．．．唉，大忙人始終係大忙人，我唔駛返教會，不過佢要！

無計啦，自己一個人買左煎釀三寶返屋企吃，見呢排夜晚瞓覺時喉嚨成日都痕，咳醒左，就買包腐竹蛋花糖水潤一潤。吃飽都係八點未夠．．．不如落去打番場波都好喎。橫豎星期一公眾假期都無打到。

就咁落去book左半個鐘的壁球，一個人走成場；仲要打打下個場的冷氣熄左，不停流汗的我簡直有種呼吸唔到的感覺。話俾ｄ職員聽，佢地好似無乜反應咁。我最唔鍾意就係佢地呢種態度，每次投訴都係懶懶閒！激死人！出左一身汗，真的好舒服！

在打壁球其間，我係到諗，其實我真係好自閉，喜歡的東西都係自己一個人就可以做到。咁咪同我的工作性質好有衝突咯．．．我係咪仲應該做市場推廣呢？　我係咪應該轉行呢？