這個中秋不快樂

相信今年是我過得最唔開心的中秋節。

是緣昨天去了迪士尼，正在看獅子王的時候，電話響起，沒有接聽。到完了後，聽回留言，是Jacky說那張1025的單張，說單張上有些資料錯了，所以要全部印好了的也要抽起，不會放在程序表內。收到這個消息時，我已經好唔開心，之後再打電話給Jacky，問清楚原因。了解詳情後，我覺得仍然可以將那單張放入程序表內，而Jacky 也同意我的說法，所以他會跟教會的有關人士聯絡。

到今早收到Ling的SMS說程序表內沒有單張！　點呀，唔係已經擺平左咩？ 點解又無呀？　我唔知道究竟發生咩事，我只係知道，當我收到Ling的SMS後，我已經嬲到不得了。去食早餐時，我真係嬲到食唔落，要深呼吸祈禱，才可以完成一個我平日最享受的早餐！

返到教會，再去了解整件事的始末。知道後，我只可以講一句，有冇搞錯！乜唔係一早已經知道及確認左邊個去講嘅咩？　你地個個都睇過架噃，點解唔一早指出來呀？　而家先嚟話唔知！　唔係咁玩呀？

有時真係好討厭，得你一個人在著急的時候，做了很多，才發現原來你所作的事是白做的。吃力不討好！為左咩？為左咩？ 坦白說，我的EQ越來越差，不知是否因為年紀大，對於看不過眼的事情的忍耐力越來越少。你話我發悔氣又好，怎樣都好，這些吃力不討好，加上溝通斷層的工作，我真係唔會再做！！！