夜行港島徑第八段

因為參加了綠色力量的環島行，要預行整條港島徑，而當行到最尾的一段的時候，相信會是在晚上九時多發生，為了熟習一下環境，所以我們(我跟兩位好隊友)也要預習一下。

就在寒冷及霜凍警告的晚上，我們帶著疲勞的身驅，去太興食左完個飽飯後，再搭9號巴士去到土地灣落車，之後開始我們漫長的夜晚。其實今次係我第一次夜晚去行山，真的幾刺激架。第一次夜行就係行去龍脊，呢個地方出名係無論咩天氣都好大風，尋晚就更加吹到人都癲啦。我又忘記帶羽絨件衫的帽，真係吹到頭都甩！

而今次亦係我第一次著住羽絨行足兩個鐘，裡面就濕晒，但又唔夠膽除件羽絨。不過，其實尋晚真係唔算凍，係大風。經過今次的經驗，我相信到真係行的時候，我知會點樣去應付。

今次參加環島行，都算係對自己的挑戰，難得有兩位好友願意跟我一起去癲，就算幾辛苦我都一定會完成佢的。希望大家能贊助下我，當係支持同鼓勵啦！