估不到，再寫這個BLOG的時候，是我參加完渣打10公里！
2月28日，對我來說是一個幾有紀念價值的日子，不是因為2月份的最後一天，而是去年的2月28日，我參加了人生中第一個行山比賽 - 環島行。而今年的2月28日，我也參加了人生中的第一個跑步賽事，渣打十公里！
點解會參加？都係因為世伯咯，自從上次行完50公里後，佢就不停的挑戰及鼓勵我，毅行者啦，馬拉松啦。最後我放棄了隊友不參加毅行而揀了十公里。報了名後，魔鬼教練世伯就開始給我特訓，過往很憎跑步，但報左名唔想衰的我，都要練習，每次5公里而時間要40分鐘。魔鬼教練世伯話只要每8分鐘跑到1公里，就會完成到，記住要保持自己的速度，不要太快，跑的其間可以跟陪跑者傾談也不氣喘就可以了。
亦如上次環島行一樣，想早點瞓，都係太早瞓唔著。但今次要凌晨3點便要起身梳洗，之後4.30要出門口，在地鐵上大部份(其實9成9)都係參加馬拉松的健兒。之後去到天后，人多到好似去左花市！真係唔參加過都唔知真係會咁多人跑。我們係十公里的第2組，開跑時間為6.05。
正式開跑後，個個都係咁跑係咁跑，當然我也不例外啦，在最初段阿達同阿力都係附近，不消一陣，佢地兩個已經唔去左邊咯。好在我有收音機陪我跑，Heidi姐姐又好好地播的歌也很勵志 - 紅日、壯志驕陽等歌，我真係一路跑一路自己唱，咁又幾舒服！就係咁跑到3公里時，看看隻錶，嘩！21分鐘咋，即係平均7分鐘一公里。同自己講，唔好心急，跑番自己的速度，但唔可以比佢停。去到第一個水站的時候，已經過了5公里，因為很多人飲水而地下頗滑，所以我也慢了下來。後來去到第6公里，我就以平均10分鐘的時間行了第6-9公里!到最後一公里，所有人都係到跑的時候，真係有種催逼感，令你也起勢跑！就咁我以一個我相當滿意的成績01:24:57！
係呢度我真係要好好感謝我的魔鬼教練世伯，我每去到某個點的時候，我都會想起世伯的說話，令我知道我仲有幾多路要走，仲會有幾多個難關。
多謝你呀世伯（我開始喜歡跟阿達一樣叫你阿爸啦！），你真係一個好好的陪跑員！我要請你食飯呀！！！！
沒有留言:
張貼留言