Blessings 5 週年音樂感恩會

Blessings 5歲啦!!!! 其實今年年頭已經5歲，在年中的時候Eliza （媽媽）才提議搞個五週年感恩會。就此，我們左定右夾之下終於在年終的時候作這個感恩會。

感謝主的一直拖帶，當初Blessings的成立係幾個弟兄姊妹在一次敬拜讚美研習班後，到九龍城的糖水店聯誼一番，就在那次的聯誼當中，想到如何在教會中鼓勵更多人去敬拜神，活出敬拜者的生命？就這樣在一個影音佈道會中成立了一隊敬拜讚美隊伍！

而我在成立的2年後才加入，由我第一天加入Blessings開始，就是負責設計PowerPoint。而我對設計PowerPoint又情有獨鍾，能以圖片配合詩歌的內容播放出來，讓會眾更加感染到詩歌的內容時，實在很開心。

今次的5週年音樂感恩會我也是負責PowerPoint，當中也有出錯的地方，但不要緊，因為神讓我們也感受到祂的愛。當中弟兄姊妹對我們的回應也實在非常之激勵！

未來在Blessings的事奉大致上也會是作後勤工作，或有機會也想用歌聲去作事奉。

祝願 Blessings每位的隊員也得著從神而來的力量，大家同感一靈將神的愛去傳廣！

不要驚動愛情

曉恩送給我的聖誕禮物....^.^

不要驚動愛情 - 高皓正

曲：歐陽業俊 詞：高皓正 編：歐陽業俊 監：歐陽業俊

很想輕撫你 所以避開你

寧願用距離 去令你好奇

迴避過眼神 先偷偷喘氣

吩咐手臂 放在原地

傳聞浪漫太快 愛戀都走得快

才會 遲遲未步向你 說一世愛護你

情太過洶湧像深海 而我卻會忍耐

但求來日你醒過來

這份情像翅膀打開

還沒有相擁別意外 神教會我等待

待情流像細水 才去承諾你

拿一生兌換愛

很心急擁抱 所以在禱告

求甜蜜以前 帶著你慢步

遊歷過旅途 等一天終老

生老病死 一起細數

原來慢慢靠近 更珍惜這一吻

而我 停留是為了你 要給予你護蔭

能為愛戀學習按捺 情信寄進心內

但求能學會倚靠神

愛被馴服過更精采

連地老天荒亦不更改 時間永遠等待

等你情願那天 才去承諾你

無止境那份愛

我用沈默叫醒愛情 你用期待做你反應

繼續行近直至開始愛

聖誕快樂!

祝願各位好友......

聖誕快樂! 主恩滿載!!!!

最後限期

辭職已久，雖則在辭職信中說明在此公司的最後限期是年底，但因老板不停的用電郵及口頭上叫我留多一陣．．．而上個星期見完獵頭公司之後，到現在還未有消息，都唔知點。所以今日當老板又再比個電郵我，叫我留多一陣．．．．好啦，在道義及朋友上我都唔想見佢死．．．就做多３個星期啦！

最後張期係２００８年１月１８日．．．．幫我一齊倒數啦。

小男人週記

很久沒有男士約我去街啦，Anthony買了兩張小男人週記的舞台劇票，而無人陪佢睇．．．嘻嘻我當然會應承啦。

小男人週記裡的梁寬，是陪伴我們成長的虛構人物。小男人週記在1986年誕生，鄭丹瑞跟梁寬從此連在一起，他由廣播劇到小說再到電視劇，最後完成了自己的夢想跨越所有媒介的角色，去到舞台劇。

這套小男人週記 - Kiss Me Goodbye舞台劇都不錯，當然是有悶場，不過也不是太多。整套劇以梁寬還有七天的生命，他怎樣去補救一些過往的錯，而令到他可以去也去得安樂。當中有反醒的地方，當我的生命只剩餘七天，我又會怎過呢？

近期在電台不停的播放這套舞台劇的主題曲 - Kiss Me Goodbye
主唱: 林珊珊 填詞：青介　讀白：林海峰

就要終結這比賽　跑不了　請喝采
立塊紀念碑　好讓你　以後給記起

＊回頭行一轉　有數百辛酸 如能行多轉　亦都不嗟不怨
從頭來清算　也有過虧損　總算能活過　臨別亦沒怨＊

La Kiss Me Goodbye　
人生競賽　何等精彩　細節起伏　用來記載
旅程極可愛　
將親吻豁出來　鬥贏　這場　競賽

旁白：鄭丹瑞
我一直都相信，命運係控制喺我哋手裡面
冇錯，啱呀，人哋就係
我，我就偏偏畀命運控制住
不過，我都唔知係咪應該多謝佢
多謝佢，逼到我埋牆角
逼到我抖唔到氣
如果唔係，我永遠都唔會知道
自己有幾強，直到真正嘅考驗嚟到
不過老實講，唔係我想堅強
而係，我根本就冇得揀

PS: 唔記得講，套劇係九展個場做，有幾個問題一定要講：
1弊) 我同Anthony都覺得呢個場係好唔適合做舞台劇，因為個場完全無高低或斜度，所以我地除左睇其他人的頭同埋掛在高高的投映電視外，我根本睇唔到個台乜滯。
2弊) 個地方係九展，一定要係九龍灣轉車，而我地已經7.45食完飯去搭車，點知人山人海的士站排長龍之餘，shuttle又排長龍。把心一橫諗住行路，點知聽到ｄ"食蕉"講搭224M可以去到，仲唔拿拿林上巴士咩！點知完左後，又係大把人排隊搭shuttle，終於要 Anthony陪我行路，佢行到身水身汗，真係替佢辛苦！
3) 就係因為好多人都未能搭到車，所以搞到話七點入場，七點半都未開場！第三弊！

恭喜! 恭喜!

恭喜冼氏伉儷，祝福他們白頭到老，有主同在的基督化家庭！

是日我參加了他們的婚禮及婚宴。冼氏伉儷真的可說是天作之合，新郎身型穩重健碩，新娘子纖細得令人由憐生愛。他們年紀也不是太大，幾年前他們還跟我一起參加青少年的夏令營，一眨眼他們已步入人生另一個階段，令我實在有點唏噓。

估不到我今次去飲，竟然可以又食又拎。實在太開心，開心的係我不但只可以即席吃了兩大碗魚翅，還可以take away一個外賣碗麵的份量回家（因為我地圍只得八個人）。真的開心到我不得了。還有我吃了四大粒的炸蝦丸，終於口腔內生了粒大痱滋。

數一數，今年好似是我第一單的飲宴，亦是最後一單。下年就一、三月都有朋友結婚，又可以食翅啦！！！

男人....你的名字叫麻煩!

女人是麻煩的動物係人都知，但原來男人其實有時比女人更煩！

女人唔開心的時候會Beeli Bala講出來．．．
男人就鍾意收收埋埋扮有性格咁．．．

女人想點想要乜會話你知（起碼我係咁）
男人想點就話要三思．．．

女人做決定好容易（都係嗰句我係咁）
男人做決定成日都要思前想後

男人，唔該比ｄ男人氣慨我睇下好無！　唉！