壓力 - 矛盾

作為一個合約員工，在工作壓力上理應比全職員工少，但我卻沒有這種感覺。

最近不停的發夢，而夢見的就是關於工作，最近一次的夢境是夢中的我發高燒，知道後自己很高興，向公司請假。但大老闆卻不許我放假，我卻不惜用盡一切方法去請假為的是可以逃避上班。原來潛意識我已逃避上班，而現實中我的確不大想上班。下月中便是在這公司工作一年的時間，但這麼久也未能確定自己在公司的定位。加上是合約員工，令自己對公司的歸屬感是零，同事之間的相處，那種感覺真的不知怎樣形容。

但縱使有這麼多以上的問題，我仍然要感恩，感謝主給我仍然有工作賺錢的能力可以養家，不叫我有躲懶。原來人真的充滿矛盾！

聖誕禮物

大約上班一個月到，老板問我可否做多一個月，那時，我正申請一份新工。所以我說我考慮下，但怎樣也好，我會幫他到４月３日（原有合約的約滿日期）。

已在這裡工作三個月了，跟所有人（包括同事及客戶）也有一定程度的認識及感情，所以今天決定跟老板說我可以幫他做多一個月。那邊廂跟他說完後，會計部的主管便將有關續約的信給我，而我新的約滿日期會是５月１日（咦．．．公眾假期嚟嘅噃，咁咪賺左１日咯。），之後會點，我想再續約的機會應該不會太大，我正盤算合約完了後，給自己一個長假期，到處遊玩一番。

若是，我首站的目的地應該會是袋鼠國，有八年多的時間沒有回去了，是時候返去玩玩睇睇。

無論如何，也很感謝神給我這份意料之內的聖誕禮物！

生理...病了！

沒有OT文化的公司，是一種好處，也是一種壞處。我很想將當天的工作完成，但老板一時三刻的不停轉的主意，令我完全無把握能將自己的當天工作完成。就如我之前所說，backlog永遠是backlog，由第一天的一張紙，到現在已經開始pile up。不知那天會可以將那小小山移走。

最近不知是工作壓力抑或自己所食的東西有問題，每天下午六點到就會胃痛，昨晚更痛到我平生第一次吃胃藥。不單胃痛，連平日準時來的親戚也遲了很多，還有睡不好，又再發夢返工。其實我都唔明，係乜野原因會有以上種種的毛病，我話晒都係簽左合約，佢地點都唔會炒我，我驚咩呢？點解我會有壓力呢？

上京赴考

在未上班之前，我都問過老細要唔要出trip，佢話都可能要，眨眼間就到我要上京赴考的日子啦。早機去，晚機返，考足六天。

所考的科目包括：
1) 跟老外一起去開會，要做即時傳譯
2) 要帶老外出外吃飯，睇下可以比ｄ咩佢食，又唔會食到佢水土不服
3) 要同京戶人士溝通

仲有，我都唔想去諗啦，總之今次係我學左普通話一年之後的大測試。星期四那天跟老師傾了個半鐘，我已經想死，今次仲要考足六天，我都唔知會點。今次真係 Mama Mia!

話咁快一個月!

真係話咁快就返左工一個月啦！係呢個月裡面，我數埋見老細的時間唔夠五天。不過無要緊，佢唔係到，我地仲可以趕埋ｄ backlog。但是永遠都係趕唔完，每天也會有新的工作，而backlog就永遠繼續係backlog!

係呢度工作，最開心的是這公司沒有OT文化，每天的6:30整間公司只有小貓三四隻，而我又無大門鎖匙，所以我都可以話準時放工的人。而每天放工，又可以去地鐵特惠站到"嘟"一"嘟"，慳番2蚊雞！若我行去銅鑼灣站搭地鐵，仲可以前後慳番3個"耳"！真係好開心架！唯一美中不足的就係返工搭地鐵時，每天都要同陌生人有肌膚之親。

講番ｄ開心的事，係呢度做每個月中就會出當月的糧，所以我今個月就出左個半月的糧，而就係今晚，我就去左銅鑼灣shopping啦！呵呵呵！

合約

返工個幾星期後，終於簽合約啦。我只是一個半年合約期的員工，唔知點解都會有一個月的試用期，係咪好奇怪呢？　而原來我係呢個合約期內所放的公眾假期係唔會被扣人工，而亦會享有3.5天的年假。真係開心，不過第一次出糧要等到下個月中。

其實日日都係超忙，大肚同事教了我很多東西，我根本無時間去消化就要去學及做，人在年青時的吸收力非常強，但在職場上已經打滾了十幾年的我來說，這次真的有點吃力，不過我相信靠著那加給我力量的，凡事都能作。

繼續努力！全力以赴，忙碌中要仍有喜樂！

專家

不知不覺間，沒有工開已經兩個多月，在這兩個月內，大大話話都見過五六份工，在這個經濟通漲得要命的日子，我都有工見，也算不錯。雖然還未找到長工，但可算是見工專家。

之前比agent話我見工時不夠淡定，不夠專業，但當見多幾次及幾份之後，我覺得我自己的淡定同專業，越來越假。見人講人話，見鬼講鬼話。真係見邊行，就話想做邊行。好似無左個自我咁。唉．．．人真係要為左份工，搞到無左自己？

Anyway，尋日又見左份工，呢行真係我完全唔識及唔知，佢地行內有好多規矩，公司的福利也不錯，不過隔過禮拜六要返咯。人家都未必請我，所以也不要存太大的期望，唔想好似上次咁，滿懷希望以為實得，點知衰左，之後仲抦埋自己。

希望下次我再寫有關工作的blog時，會係比到好消息大家啦。

挫敗

終於收到消息.....it's a bad news! 自己對自己好失望....

點解會咁....我唔夠硬淨....短短的十分鐘見面，點樣可以知道我唔夠硬淨。

好唔開心....

係咪我問題？　點解身邊的朋友找工是那麼容易，而我，接二連三咁挫我...

一次未夠，二次也未夠，都三次我還未學精？　

點解條路好似咁難行咁....好攰...想停下來...

1月18日

118...這天終於來臨了！當來臨的時候，心裡又忐忑不安。問問自己是否做錯了決定，墨屎在MSN跟我說 "走，要走得瀟灑點！”或者是對的！

其實在竹差不多兩年的日子裡，同事們之間的關係也很好，這位老板兼朋友也對我真的不錯的了。只是我自己實在不大適合在agency工作，才再在市場好景的日子出外闖闖！老板真的很錫我，不但只請我食飯，仲送了一支非常名貴的dunhill 筆給我。實在令我太感動，不過我相信我們將來一定會有機會再重遇的！

在此，我多謝各位竹的同事，我知道我呢份人實在有點霸道及麻煩，感謝你們在這兩年的日子裡忍受我！好開心能認識你們！！！

最後限期

辭職已久，雖則在辭職信中說明在此公司的最後限期是年底，但因老板不停的用電郵及口頭上叫我留多一陣．．．而上個星期見完獵頭公司之後，到現在還未有消息，都唔知點。所以今日當老板又再比個電郵我，叫我留多一陣．．．．好啦，在道義及朋友上我都唔想見佢死．．．就做多３個星期啦！

最後張期係２００８年１月１８日．．．．幫我一齊倒數啦。

鬆了!

跟老板口頭上說了, 他初先愕然, 繼而知道縱使多說, 我也是不會回頭。他說我要待他找到人先得, 兩個月通知喎, 比足時間你, 你都找不到人的話, 係咪應該檢討下呢? 在臨走前, 我將封信給他, 說循例上我也要俾封信他。容乜易他不計數!

跟他說了, 我鬆了很多。在未跟他說前, 我收到Peter叔的一個sms, 這個sms就像一支強心針的給我力量及勇氣。簡單的一個message "God will guide you and bless you if you seek HIM." 我相信神會帶領!!

雖然未找到工作, 但我那份由神給我的信心, 又再返來了!!!!

請給我勇氣!

決定是已經定了, 信也預備好了......但怎樣開口? 有點膽怯...他會否猶如晴天霹靂? 他日後會怎樣待我?

「神呀, 請給我智慧及勇氣, 教我如何開口說出我的請辭! 奉主名求! 阿門!」

STRESS

好stress...好stress....stress到個心跳好似負荷不到般.....我係咪就死啦?

賴皮

從未見過如此無信用及賴皮的印刷商。我今次真係好嬲, 真係想淋佢紅油咯！(不過係咪犯法架? 犯法的野我唔做）

我真係覺得佢地好過份, 星期一去左個印刷商間廠到睇色, 之後同佢講得好清楚:
1) 星期三晚會去佢間廠到睇埋島嶼客剩下未送去的700本樓書。
2) 要收到20本重建客的收樓書。

佢仲應承我, 一定可以預期比我。

到我今朝打電話找他, 他說會下午五點先可以收到重建客的書, 而島嶼客的書就要七點幾先可以收到。ok, 我唯有覆番個重建客六點幾先可以比佢睇啦。

點知到5點幾都仲未收到d書, 打電話比佢, 響幾下就cut左線! 有無搞錯呀! 係咪做生意架!

好打去佢公司找佢老板, 真係佢老板! 我未見過d咁賴皮的人...佢竟然話, d車落唔黎我都無辦法架, 咁要八點零九點鐘先到 ! 　"咁你就唔好應承我話得啦!" "係呀, 真係要九點幾先到呀!"

嘩, 我真係火都嚟埋! 我唔理你, 你叫個sales打電話比我, 我要佢同我解釋!!!!

但係到而家佢仲未搵我, 我都唔知今晚會幾點可以去睇貨!!!! 想喊!

係好後悔搵佢地做第一個 job! 今次真係遇人不熟!!!!!

坐過山車的五天

今個星期就像坐過山車一樣, 有喜、有驚、亦有悲.....

10月8日 (星期一) 開心
話說上星期五臨放工前得知星期一早上九時半有 job interview, 那麼整個週末也很乖的溫習書本 (其實都唔係百份百時間溫書)。我一向是準時的人, 九點廿五分抵達那間公司, 跟那位中國面孔的接待小姐說找HR的乜小姐, 她用英文說...."你來返工?" 噢.....原來她是聽不懂中文...衰左!

見工只是用了30分鐘, 好彩有做到功課, 不會再像以往般, 當人家問我有沒有問題時 - 啞口無言! 已經很久很久沒有用英語對答了, 仲要講足30分鐘英文, 實在是有點受不了...最後, 她們也是例行那句說, "it's our 1st round interview, we'll have few more candidates this week and next week. It'll take around two weeks times for 2nd round."

OK...見完工, 鬆一口氣, 就讓神話我知究竟佢想我點啦!


10月9日 (星期二) 好開心
已經很久沒有返Blessings 了, 今晚可以準時放工, 所以返到去練歌。聽到他們唱 "站於天地之間"時, 我不期然的想起最近在緬甸所發生的事。我們真的要好好的站於天地之間作個代禱的人!

讓我得見天之光，讓我體會天之美，

在那光芒蓋掩裡，存著那施恩之座。

讓我不忘世間事，讓我記念世間痛，

但我心頭要緊記，屬天的恩典會下降。

站於天地之間，讓我作個敬拜的人，

處身悲傷幽暗的角落，要宣告你同在，你能力沒變改；

於這天地之間，讓我作個代禱的人，

容讓每個嘆息，搖動施恩的你，讓屬天之光普照在世。

讓讚美作信心的歌，讓祈禱成燃燒的火，

打開天之門，讓這地可見光。（x2）

10月10日 (星期三) 開始疲累
已經忘了是晴是陰, 只知今天開始忙碌中渡過。夜晚返使團, 那種感覺跟自己返Blessings實在有點不同。其實我也很盡力的去認識使團的人, 但或者對他們來說, 我仍是一個 "陌生人"! 首領問我返了幾次感覺如何....我沒有正面的答她。不過, 還是給大家多一點時間吧!


10月11日 (星期四) 黑暗....去到谷底
不知是否因為太夜瞓的原因, 所以今日的心情很差。早上已經在MSN、FACEBOOK到寫下 "心情好差....不要惹我!" 到下午4點到, 開始頭重重, 一到6點鐘, 便收拾行裝走人。因為今天除了回家吃飯, 還要上國語。搭巴士回家的途中, 手電不停的響, 首先是銀行客打來, 說明天要開CONFERENCE CALL。 OK, 冇問題! 之後同事打電話來, 說了一兩句便掛線。再之後同事又打來, 我已經開始有點煩擾的時候, 她說島嶼客會打電話給我, 因為URGENT喎! 駛唔駛呀! 我放左工啦!

OK, 島嶼客終於找到我, 第一句說, 本樓書好大問題! 唔係啦掛, 我地收到的無問題喎。"成本書錯晒喎! 我明天要開展銷會, 你叫我點比人呀! 你快D幫我解決呢個問題!" 打比設計師, 佢好鎮定咁說你問清楚個客咩事先啦! 或者係佢地以為錯, 其實無事啦! 唉, 廢話! 再打比個客, 問佢有D咩問題, 佢話原本應該連埋的相, 竟然分開左前後兩版! 佢話你地搵人過來攞番去睇下啦!

巴士剛到土瓜灣, 拿拿聲叫同事過中環去客到取書, 我即刻下車搭的士回公司。坐起的士的時候終於想到個問題了...肯定是PRINTER 釘裝時, 前後版掉轉了.......回到公司看看PRINTER下午送來的的貨, 果然不出我所料! 點解我地之前無check到, 搞到個客話比我地聽先知!!!! 無辦法, 唯有剷到個PRINTER飛雞, 鬧到我都無說話好講!!!! 然後叫佢無論如何都要明天一早送100套比個客! 返到屋企, 便沖涼睡覺。明天早起繼續補鑊!


10月12日 (星期五)回氣
因為個鑊, 根本沒有好好的睡過, 一早便回到公司, 再跟printer傾下能否準時九時半送到客到。心緒仍然不靈, 但比起昨晚已經好好多了。原本安排了的銀行客conference call, 就改左下午3點3...之後終於係4點幾先打電話來! 真係無時間觀念! 而島嶼客再打電話來, 投訴他們送了100本書來, 不是100套! 搞乜鬼呀!!! 又要剷人, 剷到我都無氣力啦!!!! 其實我知道剷佢都無意思, 但明明不是我的錯, 卻令我跌到直一直! 那種氣忿, 真的找不到出口發洩! 無論如何, 我唯有給這個printer做的projects要跟貼一點! 唉!


經過此役後, 令我對自己已作的決定再一次加強! 而這個週末給我回一回氣, 抖一抖! 下星期又再次成為一個好漢!

開工前的禱告

今天延續了上星期五的混亂、煩躁及不安。突然想起了很久之前, 弟兄電郵了一個 "開工前的禱告" 給我, 立即打開來一看, 跟著的祈禱。感謝主讓我可以舒緩一下, 求神繼續加添我力量去面對這段忙亂的日子。希望此禱文也能帶給你一些新的啟廸或祝福。

天父，我將祢的同在帶進這工作場所。

我宣告祢的平安、祢的恩典、祢的憐憫和祢完美的規律進入這辦公室。

我承認祢的權能在這牆內會形成的每一句話、
每個念頭、每項決定、每一件事之上。

主，謝謝祢賜福我才能。
我承諾要為祢的榮耀，盡職地使用它們。
賜我一股新力量投入職場工作。

恩膏我的專案、點子和體力，
甚至使我最小的成就，也能榮耀祢。

主啊，當我困惑時，求祢引導。
當我厭倦時，求祢激勵。
當我失去熱情，求祢用聖靈的光注入我。

願我的工作和做事的方法，可以為今天接觸的人，
帶來信心、喜樂和笑容。

還有，當我離開辦公室，主，求祢保守我路途平安。
賜福我的家與家人有我離開時的安逸。

主，為所有祢已經成就的、
正在做的、和將要成就的，我感謝祢。

謹以深深的愛和感恩，奉耶穌的名禱告，阿們。

請和其他在職的基督徒分享這篇寶貴的禱文，成為需要得激勵朋友們的祝福。 願您今天充滿祝福!永遠不要認為上帝的遲延是上帝的拒絕。 堅持、握緊、繼續不退讓。忍耐為創造力。

****

Prayer before Starting Work

My Heavenly Father, as I enter this work place,
I bring Your presence with me.

I speak Your peace, Your grace, Your mercy,
And Your perfect order into this office.

I acknowledge Your power over all that will be spoken,
Thought, decided, and done within these walls.

Lord, I thank you for the gifts You have blessed me with.
I commit to using them responsibly in Your honor.
Give me a fresh supply of strength to do my job.

Anoint my projects, ideas, and energy,
So that even my smallest accomplishment may bring You glory.

Lord, when I am confused, guide me.
When I am weary, energize me.
When I am burned out, infuse me with the light of the Holy Spirit.

May the work that I do and the way I do it bring faith, joy,
and a smile to all that I come in contact with today.

And Lord, when I leave this place, give me traveling mercy.
Bless my family and home to be in order as I left it.

Lord, I thank you for everything You’ve done,
everything You’re doing,
and everything You’re going to do.

In the Name of Jesus I pray, with much love and Thanksgiving….
Amen.

唉.......

今日對我來說簡直就係黑色星期五。

自從老板去左法國拍片後, 我無日得閒過, 唔係出去開會見客, 就係俾客係咁"扯" 我, 扯到我想死。好啦, 到今日, 一早返來個designer 就開始'扯' 我, 我開始防衛的時候血壓指數就上升, 開始吊高聲調講野, 最後都係同佢吵左一鑊...不過得唔到任何答案及結論。浪費左一朝的時間。

好,食完飯返嚟後,仲慘! 今次唔止designer 扯我, 仲要加埋個客。Designer sent錯野比個客, 客打番電話來炳。好啦...炳完, designer一個波拋過來, 我唔接唔得。之後個客就炳我, 問到我口啞啞, 若有洞, 真係想捐入去。今日統計剩係到designer都炒左三鑊, 仲要鑊鑊都無結論!!!!

究竟係我的問題? 定係designer問題? 抑或係個客問題? 好煩, 好忟呀!!!!!!

老板呀...你幾時返呀! :'(

罸留堂

最近工作上時常要開夜, 我稱它為罸留堂, 校長是老闆, 秘書小姐是老師, 我們就自自然是同學仔。同學仔因為未交齊功課, 所以自動罸留堂, 將所有當天的功課完工後才可以走。其實多數都不只我一個留堂, 還有另外兩位同學仔陪我, 而且我有收音機相伴。校長有監於最近我們這麼可憐, 所以吩咐老師買了很多叮叮食物給我們吃....不過好似話唔好食咁多有防腐劑!

雖然我被留堂, 不過比起身邊的朋友, 我也很感恩。起碼我可以在上堂時間上上網, 吹吹水, 而他們卻忙到連上網的時間也沒有, 有時比我還要夜放學....都係唔好講咁多啦! :-#

爆鑊

個鑊終於爆左, 自己都冇晒心機。其實我應該忘記背後, 努力面前, 盡量做好d, 補番佢。但係我真係諗唔到方法, 我已經諗到最差的就是扣我人工咯, 邊個叫自己唔小心啫。

但是, 又令我諗左好多嘢........唉! 都係唔好上咁多網啦! *_*

好多謝大家, 找到大力、達同企企跟我食飯, 仲去打邊爐。佢地個個都話唔好諗咁多, 食左先講, 聽他們傾下講下, 真的沒有那麼愁了。返到屋企, 唔好想咁多咯!!!

明天又是一條好漢!!!!

俾我發洩下

我的EQ真係好差, 定抑或我係八號仔, 唔鍾意d人做嘢完全無計劃呢? 之前份工係因為老細唔多理我, 而我做嘢可以完全在我控制範圍內, 咁我自己有數得計, 好清楚個work flow係咩。但今次....今次真係頂唔順!

兩個星期前, 個客話要六月七日搞個記招, 我已經覺得無可能。奈何老板剛剛去了雅典睇波(都話戲無益嘅啦!), 合作伙伴唔識推, 乜都應承個客。好, 唯有做啦, 搵著間唔多合作的公關公司, 報價超貴, 有病! 同個客講就乜都得, 同我地講就乜都唔得。合作伙伴又係唔識炒左佢地搵過間, 直到我老板返來, 先將呢d要推人的屎比佢搞。

好啦, 就咁無左一個星期, 時間越來越緊迫, 個客又諸多要求, 要呢樣要嗰樣。乜都話你地話我知你會點做, 提議左比佢地, 佢地又係到吱吱喳喳, 又話呢樣唔得嗰樣唔得。最勞氣係, 不斷係到壓價, 壓到我地死死下! 雞毛蒜皮咁少的嘢都係到斤斤計較, 我覺得佢地好少家。比的料又唔夠, 又要馬兒好, 又要馬兒不吃草。合作伙伴係鬼佬, 佢又係識得講唔識做。而家仲有一堆屎未話比個客知, 我都唔知佢會點搞!

老板比的instruction又唔清楚, 我有時做到好忟就係因為個個都無planning。老板又唔話個big picture 比我知, 等我幫佢handle, 佢自己攬實晒, 每個party都係知少少! 你話點做嘢?

我真係好唔開心! 頭先真係想喊, 好耐都無為到工作而喊。我記得上次我為工作而喊係零五年的事, 之後我考慮左半年就決定辭職唔做。今次, 唔知會唔會都係咁呢?