偷得浮生半日閒!?

很早已經跟自己說, 這個星期六一定要依計劃行事。終於, 不負所託, 順利完成任務!

九時正起床, 洗衫、洗頭及執衫, 要將冬天衫放入櫃底, 再拿夏天衫出來。待姐姐起身後, 我便開始熨衫行動。我熨衫的習慣是一次過熨晒所有衫, 費時下次想穿時縐"me 蚊"無得穿! 熨熨下已經到十二點啦, 約左班街坊去香港仔食海鮮, 嗱嗱淋關熨斗, 換衫, 準備出發!

事前大款已經說會租車去, 可以方便大家, 估不到來的車是一架16座(定24座呢?)的校車, 還有跟車呢! 可能驚我們這班大細路唔守規矩呀! 今次係我第一次去香港仔魚市場吃海鮮, 感覺很新鮮, 有咩食......

1) 香爆大蝦;

2) 椒鹽瀨尿蝦 (原來拆瀨尿蝦都有技巧嘅, sky ee 就唔曉啦!);

3) 蒜蓉粉絲蒸象拔蚌; (未試過食d咁細隻的象拔蚌)

4) 掓鹽魷魚 (我剩係食左條魷魚鬚咋);

5) 清蒸黃衣; 最後的係足料海鮮湯

食完之後簡直係回味無窮。唔知幾時又再去過呢!?

返來後, 繼續下半場的熨衫, 之後吸塵, 同埋繼續整個十字繡咯, 仲差少少, 比多五日我, 就應該會搞掂啦!!!!