飯局

昨晚又跟街坊去了慧安園的權發吃飯。士佳大人好好, 一早便去攞位, 我地差不多要七點鐘先到, 去到已經好肚餓, 但是珠珠同阿花都未到, 所以要等埋先。

原先是叫了五碟餸 -
1) 馬拉盞炒通菜 (好似上左碟腐乳炒通菜喎)、
2) 蜜汁脆膳 (d膳真係好脆, 仲有脆蝦片拌碟添)、
3) 美味大蝦 (佢地話係用美極鮮醬油煎嘅喎, 喊左少少, 我覺得啱啱好)、
4) 豉椒鵝腸 (成碟都係鵝腸, 無乜豉椒, 不過d鵝腸有d洗唔乾淨)、
5) 蒜香雞半隻 (d雞皮好脆, 我食左隻雞髀呀!)

可能係炒得好好味, 所以我有食半碗飯變左一碗, 然後再叫多左兩個餸 - 香橙骨 (我覺得個汁酸, 同埋d骨好大舊) 同埋上湯浸娃娃菜 (浸得都好"淋")。

食完仲有糖水送添呀, 非常非常之美味! 今次無影相呀!!!! 下次補番!!!!



ps: 食完之後, 珠珠條裙上面的星星圖案唔知點解會甩左响張椅到, 搞到成張椅都有星星pattern!!! ^.^