今日對我來說簡直就係黑色星期五。
自從老板去左法國拍片後, 我無日得閒過, 唔係出去開會見客, 就係俾客係咁"扯" 我, 扯到我想死。好啦, 到今日, 一早返來個designer 就開始'扯' 我, 我開始防衛的時候血壓指數就上升, 開始吊高聲調講野, 最後都係同佢吵左一鑊...不過得唔到任何答案及結論。浪費左一朝的時間。
好,食完飯返嚟後,仲慘! 今次唔止designer 扯我, 仲要加埋個客。Designer sent錯野比個客, 客打番電話來炳。好啦...炳完, designer一個波拋過來, 我唔接唔得。之後個客就炳我, 問到我口啞啞, 若有洞, 真係想捐入去。今日統計剩係到designer都炒左三鑊, 仲要鑊鑊都無結論!!!!
究竟係我的問題? 定係designer問題? 抑或係個客問題? 好煩, 好忟呀!!!!!!
老板呀...你幾時返呀! :'(
5 則留言:
請保持冷靜, 唔好咁燥.
心呼吸 !!!!!!!!!!!!!!!!!!!!!!!!!!!!
揾最大老闆(上帝)傾傾好D﹗
老老實實講, 你老闆係邊個明星? 要去法國拍片??
KCCY said
揾最大老闆(上帝)傾傾好D﹗>>
我都有不停的祈禱! 都多謝弟兄的提醒
suk suk said...
老老實實講, 你老闆係邊個明星? 要去法國拍片?? >>
我老板講你都唔識啦 :p
oh.....真係好慘烈....希望你現在好番d
另外, 真係俾縮縮笑死 XD
張貼留言