睇醫生....

爸爸不停的生飛痱滋毛病已經有幾個月了，不知是甚麼原因，口腔及脷不斷的左右兩邊生滿痱滋。左邊差不多好番，右邊又開始生，我們曾擔心他是口腔癌，前陣子捉了他去私家醫生到割左，然後取去檢驗，醫生說不是癌，但也毫無對策。不過，好那方面看就是因為此病令他食不下嚥，不但助他減肥，更幫他將五十幾年的煙癮也一次過戒掉！可以說因病得福！

前陣子捉了他去政府醫院到作全面檢查，今天就陪他去看耳鼻喉科，發生了兩件滴汗事件！

事件一
入到病房時，醫生只是不斷的研究文件，然後展開以下的對話。
「阿伯，而家仲有冇生痱滋呀？」
「有呀。呢到剛剛起左粒。」用手反起上唇。醫生繼續望文件，完全同病人未有任何眼神接觸。
「阿伯，除左副假牙佢啦！」「吓．．．我無假牙架噃！」「哦。」

事件二
「仲有無邊到唔妥呀？」
「我喉嚨開始有少少痛。」
「咁我幫你檢查埋啦。」醫生由鼻孔插條喉入去喉嚨到。
醫生：「講YEE」一切靜止．．．「講yee」繼續靜止．．．「阿伯，講YEE呀！」
好咯，醫生終於清楚地說出他的指示。
這時，爸爸才懂得反應並無力地說了一句短速的yee。看見爸爸面孔扭曲，相信那條喉實在令他透不過氣，醫生還不斷的叫他用鼻呼吸並要說"YEE"。

醫生繼續要求爸爸說一句很長的"yeeeeeeeee"，但說了很多次都未能成功，護士終於頂不住了「阿伯，唔好玩啦，咁樣醫生睇唔到架。」
我坐在一旁聽到護士說了這句話簡直不能相信！點解佢會講句咁的說話！
好在醫生即刻回應：「阿伯都唔係想玩嘅！」

這兩件滴汗事件真的令我再次對政府的醫務人員刮目相看！

其實我爸爸有名有姓，點解佢地連乜先生都唔叫聲，卻不停的叫阿伯阿伯呢！　唉！