新春行大運

年初五，二姊及二姊夫還未開工，大姊請了一天假，而我呢個閒人就更加得閒啦．．．所以我們在春節前已預訂租一部車去新春行大運！

原本是想租架大發仔，點知因為架車未返到嚟，所以比左架高一級的車CITREON，但同等價錢！嘩，真係開心到爆，因為架車係非常之cool...黑色仲要有個非常之大的天窗！

新春行大運由尖沙咀取車開始！

第一站：九龍塘

由姊夫車去九龍塘，之後大姊要熟習下點樣控制架車，話晒都有幾年無揸車，而且今次仲係第一次係香港揸！

第二站：元朗、嶺南大學

由大姊係九龍塘揸去元朗，之後買左個老婆餅；再由姊夫揸去嶺南大學。我都係第一次去嶺南，真係好鬼有書院氣息！我真係羨慕係嶺南讀者的人！

第三站：黃金海岸

由嶺南出番來去了屯門三聖村睇下ｄ海鮮，都幾多同埋幾新鮮。之後再入黃金海岸！嘩．．．凍到抽筋，又大風，吹到傻左！

第四站：深井

終於決定到食乜野午餐．．．無錯就係深井裕記燒鵝！仲有味菜鵝腸、椒鹽鮮魷、蟹肉扒西蘭花。

第五站：淺水灣、山頂
食飽飽．．．又去邊呢．．．好似未過海喎．．好去淺水灣之後上山頂！估不到星期一的淺水灣也有很多人，大部份都係中國同胞。淺水灣的麥當當已經拆左，而且起左幢商場，不過都起左好耐，到而家都未整好。之後上山頂，大霧到乜都睇唔到！而且只係得８度．．．凍死我地！

第六站：機場
再由山頂過番海入機場，因為大姊好想揸110咪，所以由佢負責車我地入機場行左個轉，跟住就係最後一站．．．迪士尼酒店！

第七站：迪士尼
迪士尼就去過兩次，但佢地的酒店就一次都未去過。上次姊夫佢地入去的時候係要比錢泊車，但我們今次就唔駛。唔，兩間酒店我都覺得各有特色！不過無機會入去房間觀光一下，下次有機會試下去住一晚。是晚於Disneyland Hotel 個lobby lounge到食晚飯，都唔係好貴；我地四個人食左3個maincourse同埋一個小食，都係$380到！

Disneyland Hotel個ballroom好靚架，剩係條樓梯都靚到死左，我就明白點解ｄ人一定要係Disneyland Hotel到擺酒，因為個新娘子就好似公主咁，簡直係所有女子都夢寐以求的婚禮！

就咁我地就行左個大運啦！非常之好玩！有車真係去邊都快，一陣間就由迪士尼返到屋企。下次有機會又再租車，不過下次我要試下揸！