話咁快一個月!

真係話咁快就返左工一個月啦！係呢個月裡面，我數埋見老細的時間唔夠五天。不過無要緊，佢唔係到，我地仲可以趕埋ｄ backlog。但是永遠都係趕唔完，每天也會有新的工作，而backlog就永遠繼續係backlog!

係呢度工作，最開心的是這公司沒有OT文化，每天的6:30整間公司只有小貓三四隻，而我又無大門鎖匙，所以我都可以話準時放工的人。而每天放工，又可以去地鐵特惠站到"嘟"一"嘟"，慳番2蚊雞！若我行去銅鑼灣站搭地鐵，仲可以前後慳番3個"耳"！真係好開心架！唯一美中不足的就係返工搭地鐵時，每天都要同陌生人有肌膚之親。

講番ｄ開心的事，係呢度做每個月中就會出當月的糧，所以我今個月就出左個半月的糧，而就係今晚，我就去左銅鑼灣shopping啦！呵呵呵！