生日快樂!

Happy Birthday to
Michiko, Leo, Edmund, Teresa & 小露.......
Happy Birthday to you!!!!

係呀, 以上的朋友都係同我一日生日架! 我向xx年前的11月5日出世, 媽咪話生我的時候不是太辛苦, 係順產。為報答媽咪雖然唔辛苦咁生我出來, 我就帶爸爸媽媽去海洋公園玩咯! 佢地又唔駛錢, 我生日又唔駛錢, 玩足一天, 一毫子都無用過!

爸爸媽媽好細心, 整左幾隻炸雞翼同埋2 隻糯米雞帶入去食, 我好似番返小時候入海洋公園野餐般。其實爸爸媽媽在九月份時已跟大姊入過去, 今次真係因為俾面我, 才又再同我去玩多次。媽媽好熟路般, 首先去了睇盈盈、樂樂、安安、佳佳, 之後再搭吊車上山。都幾多人, 又剩係開一條line, 所以同d陌生人一齊坐, 令我有點不開心。

上到山, 爸爸媽媽已作好準備去玩滑浪飛船, 我唔想濕身, 所以未唔玩咯....媽咪玩完後返落嚟, 條褲濕晒。笑死我! 爸爸仲話一d都唔驚!

而我, 我就梗係玩我最喜愛的機動遊戲 - 越礦飛車、跳樓機、海盜船、仲有千鞦。其實我已經玩到無晒反應, 純粹去大叫, 可以釋放我的壓力! 我的尖叫頻率係高到嚇得死人!

夜晚我就同爸爸媽媽和二姊在九龍灣的意粉屋吃飯, 爸爸都好享受, 不過真係行足一日, 我地對腳都軟晒了!

今年最好的生日禮物係收到稅局的信確定我不用交稅! Hurray!

在此再次多謝爸爸媽媽生我出來。亦多謝天父讓我可以仍有生命氣息去享受祂所造的世界! 仲有, 多謝各方好友送上的祝福、來電及SMS!!!!