放假永遠都係覺得時間過得好快....就咁過左9日，又係時候返香港啦！
搭十一點幾的機，因為motel離機場都幾遠，所以要好早便出門口！去到嗰個所謂的國際機場，真係有點不知所謂。細到死左咁，仲要自己拎ｄ行李去過X-Ray，大姊聽到個地勤咁同我地講之後好愕然，個地勤好串咁同阿姊講，「係呀！乜你無坐過飛機咩？」我聽到佢呢番話亦好愕然，點解條友可以咁串，但仲奇的係阿姊竟然無還擊，唔知係咪佢未瞓醒的原故！
以我搭飛機不下無數次，都甚少會暈機浪，今次竟然咁失威! 對上一次應該係2000年坐商務客位由澳洲返來，因為有氣流，我又不停的睇報紙，所以就暈機浪。我諗都係嗰個午餐累事，我一食完個長通粉後，便覺得有野kick住係喉嚨到，後來搵下有冇嘔吐袋，又搵唔到。終於問左個同我一樣高度的空中少爺取，佢好騰雞咁係咁搵，驚死我會嘔到一機到係。後來佢比左2個我，一陣之後便嘔晒個午餐出來，當堂舒服晒！ 隔左一陣個騰雞少爺過來問我仲有冇想嘔，我話佢知我已經嘔完，佢話「吓．．．咁快！」心諗要幾耐呀！佢又幾好心咁沖左杯蜜糖水比我，都算佢ｄ服務幾好啦。
因為班機遲左起飛，所以我地返來都遲左，但都趕得切去投票！
沒有留言:
張貼留言