LA + Vegas Trip

期待以久的日子，終於到臨! 今年第一次旅行，對上一次去旅行已是一年前的是，也是繼我兩年前去完美國東岸再一次的長途機旅程。上次去東岸是公幹，可以坐商務客位，今次是自己用飛行里數換取回來的機票，所以坐經濟客位!

因為工作繁忙，所以未有時間執行李，留待今朝才正正式式執拾，加上大姊由美國打電話回來，說那邊天氣不大好，每日也是陰陰天，叫我幫佢拿件羽絨過去。所以執好的夏天衫，又要再執多次及加多幾件厚衫。

點幾鐘出發，四點幾機，班機都只是八成滿。我坐窗口位而中間那個位置無人，可以比我放下東西及讓隔離坐的女仕伸展腳。過去很愛吃飛機餐，但發覺國泰的飛機餐每況愈下，可以說有點難食!

抵達LA也是11月9日的下午一點鐘，無啦啦多左一日的時間！　美國人的工作態度及速度真係可以激死好多香港人，一點鐘去到immagration，點知要我足足用左45分鐘先可以過到關，因為只有3條友工作! 大姊已在出閘口等了我很久，因為我們要由T1去T4轉機去Vegas!

終於抵達Vegas啦，賭城真的名不虛傳，連機場都是角子老虎機！真係可以24小時不停的賭賭賭！


我們今次入住MGM GRAND，離機場不是太遠，而間酒店都幾好。去到已經八點幾，所以放低行李拿拿林出去行下夜晚的拉斯維加斯。真係幾靚架．．．而今晚就去左New York New York的意大利餐廳食晚飯!

好係時候訓覺, 明天又要一早起身去Grand Canyon!