疏離

過往的你跟他們一起走馬拉松，當走了好一段路之後，你開始感到疲累，決定自己停下腳步，而他們繼續的往前行。在你停下腳步的日子，不斷的有人加入和他們一起跑。

一天，你為了某人亦要暫時離隊一段時間，你再次踏入這馬拉松的隊伍當中，可惜的是，原來你的步伐已跟他們不再一樣。縱使當中有幾位選手跟你仍然保持聯絡，但原來你錯過了很多路上的歡樂時光。你有後悔當初的離隊嗎？答案是沒有。

反之，你有種不單跟他們格格不入的感覺，再且你跟這個搞馬拉松的組織也有種疏離感。你不其然的反問自己，是否要去找另一個組織？　抑或再重新投入這組織的當中？　其實，你知道就連跟當中的最高負責人也有種疏離感。

時間可以沖淡一切，也可以衝擊你對人與事的看法與領會！

香水 2

去年寫了一篇友人稱之為鱔稿的香水文章後，今年我又再捲土重來，今次應該唔會再比你地話係鱔稿啦！

最近在某雜誌內看到一篇介紹有關夏天新出的香水的文章，無意中看到原來今年CK又再推出CK One Summer系列的香水（其實佢每年都會出架！）。舊年買左一支，今年亦不例外一定要買（而且又唔係好貴）。相信我的收藏物品系列中，又要多一樣野啦。

2008 CK One Summer 的樽係藍色，好有海洋及天空（即係大自然）的感覺，都係以生果加埋花香的混合味，有咩材料？當中包括西瓜、黃瓜、水潤薄荷與金色木香。同去年的那支相比之下，我覺得今年呢支比較清淡D，但不失那種令你噴完之後清爽及舒暢的感覺。

因為之前賣到斷市，所以我都係訂左，等佢地返貨之後才有。尋日終於有時間去攞，好開心。襯呢個夏天未完之前，要試下噴多幾次先 ^.^。

萬眾期待 - 風之女

2008年的8月18號一股熱帶風暴開始形成，同一日被定為強烈熱帶風暴。19日正式明名為強烈熱帶風暴鸚鵡。20號開始懸掛一號風球。21號掛起3號風球。22號8號之後，下午1:40分掛起9號。

好朋友台長夫人懷胎十月，她原本的預產期係8月21日，但一直未有胎動的蹟象。而呢個女唔知係咪遺傳左佢爸爸的興趣，鍾意追風。就係呢個9號烈風或暴風增強信號高掛的日子，佢終於肯出世見我地呢班世叔伯，真係名副其實的風之女。

祝願風之女聽教聽話，健康成長。台長夫人早日的康復，而台長將所有的追風真傳教比個女啦。

在此送上一節經文給他們。

「教養孩童、使他走當行的道、就是到老他也不偏離。 」箴言22:6

呢個女真係勁，連蘋果日報的李八方都有提到佢的出世。

睇奧運！

嘩，呢個幾星期以嚟，我真係未得閒過。唔係搵到野做喎，而係全職睇奧運。

我真係狗屎垃圾都睇架，今年因為係北京搞奧運，絕無時差的限制，加上好得閒，差不多每項的比賽都有睇。最可惜的係未有裝高清的機頂盒，所以只有無線、亞視同埋明珠台播咩我就睇咩。再加上我去左北京的奧運主辦網頁，佢地d資料齊全之餘，又有即時報分，有時比電視直播的分早出。咁你就知邊隊會勝出。真係好鬼正。

其實主力都係睇亞視多，一個徐嘉諾已經好夠，又識野，又唔會亂車廿四。而且亞視的評述員真係教曉你點樣去睇每項的運動，唔似無記，佢地d人爭野講之餘，更加擦鞋擦出面；剩係識得捧中國隊。其他國家都要欣賞呀，唔可以咁偏幫，要中立呀！

而聽到無記班所謂奧運主持，特別係嗰幾個港姐同埋個前女運動員主持，真係一聽到佢地講野我就要mute左部電視。而且無記的廣告係多到不得了，佢地最齊心的一句係咩 :「好，去一去廣告先！」好在屋企個電視有類似畫中畫的功能，同一時間可以有兩個電視畫面唔同台一齊出現。咁無論我睇緊的邊個台做緊廣告，我就即刻睇下另一個台做咩，所以一分鐘都唔會錯過。

下屆奧運就無得再咁放肆的去睇啦，一來係倫敦搞，有時差；二來係因為好似個播映權比有線獨家，所以無得睇咯。咁唯有在奧運仲剩番幾日的日子，再全力去睇啦！

而下星期無奧運的日子，我諗我要一段時間才可以適應番，亦都係時候又再積極搵工啦 ！話時話，呢個幾星期裡面，我真係無乜搵工 :P

We're READY!!!!

終於到2008年8月8日啦....北京奧運! We're READY!!!!

真係等左好耐啦，在2000年奧委會宣佈08奧運在北京開始，到今天，真係開心。今晚要安坐家中看那個開幕式(點解唔係叫開幕禮呢?)．．．．

安 全 網 球

摘自蘋果日報　2008年8月2日　醫醫筆寫　區樂民

一 個 骨 科 醫 生 告 訴 我 他 近 年 愛 上 網 球 ， 我 說 ： 「 網 球 既 好 玩 ， 又 安 全 。 」

「 網 球 也 有 危 險 啊 ！ 」 他 說 ： 「 我 的 病 人 中 ， 不 少 是 打 網 球 受 傷 ， 例 如 因 奔 跑 而 拉 斷 腳 跟 腱 ， 跌 倒 引 致 骨 折 ， 早 前 你 也 在 專 欄 說 打 網 球 弄 傷 背 部 肌 肉 。 」

「 人 生 總 有 危 險 ， 駕 車 亦 可 能 撞 車 。 」 我 說 。

「 所 以 我 常 常 乘 地 鐵 。 」 他 認 真 道 。

我 批 評 他 膽 小 ， 他 說 ： 「 現 在 是 私 家 醫 生 ， 手 停 口 停 ， 不 能 讓 自 己 受 傷 。 」 他 頓 了 一 頓 ， 又 說 ： 「 下 個 星 期 約 了 同 行 打 網 球 ， 還 欠 一 人 ， 你 來 吧 。 」 我 答 應 。

這 天 下 了 班 ， 我 走 到 球 場 ， 發 現 他 們 共 五 人 。 我 說 ： 「 還 以 為 你 們 三 缺 一 。 」 「 五 缺 一 才 對 ， 」 骨 科 醫 生 解 釋 ： 「 我 們 提 倡 『 安 全 網 球 』 ， 規 則 是 不 許 跑 ， 因 此 每 邊 需 要 三 個 人 。 」

我 於 是 「 行 行 企 企 」 打 了 一 小 時 「 三 打 網 球 」 。 世 事 無 奇 不 有 ， 這 個 骨 科 醫 生 竟 能 找 到 四 個 志 同 道 合 。 我 問 骨 科 醫 生 ： 「 你 的 朋 友 做 哪 科 ？ 」 「 精 神 科 。 」 他 笑 回 答 。

***
唔知點解，我覺得只有區醫生先會識到ｄ咁怪的朋友。唔通真係物以類聚？　有趣。

專家

不知不覺間，沒有工開已經兩個多月，在這兩個月內，大大話話都見過五六份工，在這個經濟通漲得要命的日子，我都有工見，也算不錯。雖然還未找到長工，但可算是見工專家。

之前比agent話我見工時不夠淡定，不夠專業，但當見多幾次及幾份之後，我覺得我自己的淡定同專業，越來越假。見人講人話，見鬼講鬼話。真係見邊行，就話想做邊行。好似無左個自我咁。唉．．．人真係要為左份工，搞到無左自己？

Anyway，尋日又見左份工，呢行真係我完全唔識及唔知，佢地行內有好多規矩，公司的福利也不錯，不過隔過禮拜六要返咯。人家都未必請我，所以也不要存太大的期望，唔想好似上次咁，滿懷希望以為實得，點知衰左，之後仲抦埋自己。

希望下次我再寫有關工作的blog時，會係比到好消息大家啦。